പ്രഭാതഭക്ഷണ വിതരണം ഉദ്ഘാടനം
October 13, 2026
ചങ്ങരോത്ത് ഗ്രാമപഞ്ചായത്ത് വാർത്തകൾ
ചങ്ങരോത്ത് പഞ്ചായത്തിന്റെ പ്രഭാതഭക്ഷണ പദ്ധതി വടക്കുമ്പാട് ജി.എൽ.പി. സ്കൂളിൽ ഉദ്ഘാടനം ചെയ്തു
വടക്കുമ്പാട്: വിദ്യാർത്ഥികളുടെ ആരോഗ്യ സംരക്ഷണവും മികച്ച പഠനാന്തരീക്ഷവും ലക്ഷ്യമിട്ട് ചങ്ങരോത്ത് ഗ്രാമപഞ്ചായത്ത് നടപ്പിലാക്കുന്ന പ്രഭാതഭക്ഷണ പദ്ധതിക്ക് വടക്കുമ്പാട് ഗവ. എൽ.പി. സ്കൂളിൽ ഉന്മേഷദായകമായ തുടക്കമായി. പദ്ധതിയുടെ ഔദ്യോഗിക ഉദ്ഘാടനം ചങ്ങരോത്ത് ഗ്രാമപഞ്ചായത്ത് പ്രസിഡന്റ് നസീമ വാഴയിൽ നിർവഹിച്ചു.
പദ്ധതിയുടെ ആദ്യദിനത്തിൽ കുട്ടികൾക്ക് ഏറെ പ്രിയപ്പെട്ട പൊറോട്ടയും മുട്ട റോസ്റ്റുമാണ് പ്രഭാതഭക്ഷണമായി നൽകിയത്. വീടുകളിൽ നിന്ന് ഭക്ഷണം കഴിക്കാതെ സ്കൂളിലെത്തുന്ന കുരുന്നുകളുടെ വയറും മനസ്സും നിറയ്ക്കുന്നതാണ് ഈ കരുതൽ.
ചടങ്ങിൽ ആരോഗ്യ-വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി ഫാത്തിമ എം.കെ. അധ്യക്ഷത വഹിച്ചു. കുട്ടികളുടെ പഠനശേഷിയും ശാരീരികക്ഷമതയും മെച്ചപ്പെടുത്തുന്നതിനും പോഷകസമൃദ്ധമായ ഭക്ഷണം ഉറപ്പാക്കുന്നതിനും ഇത്തരം പദ്ധതികൾ വലിയ പങ്കുവരുത്തുമെന്ന് ചടങ്ങിൽ സംസാരിച്ചവർ അഭിപ്രായപ്പെട്ടു.
- ആശംസകൾ: വൈസ് പ്രസിഡന്റ് സുനന്ദ് മാസ്റ്റർ, വാർഡ് മെമ്പർമാരായ സക്കീന കാസിം, രവീന്ദ്രൻ മാസ്റ്റർ, മണ്ടയുള്ളതിൽ ബാലൻ, എസ്.എം.സി. ചെയർമാൻ മുഹമ്മദലി.
- സ്വാഗതം: ഹെഡ്മിസ്ട്രസ് സൽമ എം.
- നന്ദി: പി.ടി.എ. പ്രസിഡന്റ് അനൂപ് കല്ലിങ്ങൽ.
